Tempo - Atløy

Tirsdag 30.08 reiser vi til Florø for å møte Tempo, i det som er sesongens tredje siste kamp. Tempo ligger på 2. plass, likt på poeng med rivalane Florø 3. Det blir ein tøff kamp, men vi reiser til Florø for å gje Tempo ein skikkelig kamp om poenga.

Følgande spelara reiser til Florø: Anders Peder, Hansa, Vegard, Krister, Bernt Magnus, Alexander, Even, Cato, Eivind, Kristian, Frank, Chester, Espen og Sigmund.

Atløy - Florø 3

Atløy - Florø3 2-2 (1-2)

Atløy Stadion, tysdag 09.08.11 kl 1900.

Første kamp etter ferien enda med eit vel fortjent uavgjort resultat for vår del. Alle mann jobba steinhardt og ofra seg for poeng i dag. Målscorarar var Kristian som satte ein corner rett i mål, og Vegard på eit langskudd.
Kjem tilbake med eit meir fyldig referat iløpet av morgondagen.
Takk og til publikum for eit veldig bra oppmøte og fantastisk støtte!

Sommarferien er over, no begynner haust-sesongen!

Ferien er over, og del 2 av sesongen begynner i dag med heimekamp mot Florø 3.

Tambarskjelvar - Atløy

6 divisjon, søndag 26.06.11 kl 14.00

TAMBARSKJELVAR – ATLØY 3-0 (2-0)

Mål:

1-0 Tambar

2-0 Tambar

3-0 Tambar

Gule kort:

Atløy (442)

Anders Peder, Hans Kristian, Stian, Vegard, Øyvind, Alexander, Krister, Kristian, Erik, Eivind, Frank.

Innbyttara: Sigmund, Raymond, Brian

Vi reiste inn til Naustdal for å spele mot Tambar, eit lag som vi på forhand har forhåpninga om å ta poeng mot. Vi mangla nokon spelara til dagens kamp, men vi hadde med oss 14 friske og raske spelara til dagens kamp.

Kampen starta med litt fram og tilbake, vi har ballen mest men som so mange ganger tidligare i år er det motstandaren som tek leiinga. Det er spelt omlag ti minutt når ein ball blir slått bak forsvaret vårt, mot kantspelaren deira som har komt seg inn bak backen vår. Mottaket er bra, spelaren blir pressa i avslutninga men triller ballen kontrollert ned i hjørnet bak keeperen vår. Som vanleg gjere vi det vanskeleg for oss sjølve med å få ei tidlig scoring i mot.

Sjølv om Tambar tek leinga so er det ein javn kamp, vi har (som vanleg) masse ball, men klara ikkje å komme til dei store sjansane. Enkelte halvsjansa og skudd kjem vi med, men ikkje nok til å setje Tambar sinn veldig gode keeper på prøve. 2-0 kjem desverre ikkje so lenge etterpå. Vi har spelt ca tjue minutt når spissen til Tambar vender opp midtstopparen vår og kjem seg åleine med keeper. Anders Peder er på ballen, men ballen triller sakte over målstreken og 2-0 er eit faktum. Både dette målet og Tambar sitt første mål kjem som eit resultat av dårleg forsvarspel av oss.

Resten av omgangen skjer det lite foran vårt mål. Vi har ballen mest, prøver å bruke kantane våre mykje men igjen er det siste pasninga og avslutninga som enten manglar eller er for dårleg. Eivind får ein stor sjanse på corner, men headdinga blir redda på streken. Litt etterpå har Sigmund ein stor sjanse og, men avslutninga frå kloss hold blir rett på keeper. I tillegg til dette er Brian framme på ein retur frå keeper men klara ikkje å pirke ballen over streken. Vi går til pause med to mål i sekken, litt ufortjent ut i frå kampens gang, men det er tross alt måla som tel i fotball.

Andre omgang fortsett i samme spor, vi har masse ball og stangar mot forsvaret til Tambar. Tambar er farlege når dei kjem på overganga, men vi har brukbar kontroll på dei. Vi lyt gamble litt meir bak i forsvar etterkvart som tida går. Vegard blir litt meir med framøve, vi kjem til nokon avslutningar men mål blir det ikkje. Igjen får vi ein stor sjanse på corner. Kristian servera perfekt, Vegard kjem først på ballen, men headda rett i sin eigen arm og ballen går utanfor mål. Det burde utvilsomt stått 2-1 no. Men so kjem spikaren i kista. Tambar kjem seg rundt på venstrekanten, legg inn foran mål, keeperen vår er uheldig å må gje ein retur som ein Tambar spelar sette enkelt i mål. 3-0.

Frå 3-0 og utover skjer det egentlig ikkje so mykje. Sigmund har ein sjanse som kjem etter flott spel av Erik og Brian, men keeper redda. Vi gjer aldri opp, mister ikkje humøret sjølv om vi ligge under, det skal vi ha honør for.

Kampen i dag er veldig lik mange av kampane som vi har spelt i år. Vi heng godt med i kampen, har mest ball, men slit når vi nærma oss motstandaren sin 16meter. Ein annan ting som er typisk med vår sesong er at om forsvaret vårt er uheldige å gjere ei tabbe, so utnytta motstandarlaget som regel sjansen til å score. Vi gjere ikkje fleire feil/tabbar enn motstandaren, men forskjellen er at vi ikkje greie å utnytte deira feil.

No har vi ein kamp igjen før det blir nokon veke sommarpause. Vi står fortsatt utan siger, men spelet vårt har komt seg betraktelig sidan vi spelte vår første kamp i Florø og fekk stryk av eit godt Tempo lag. Tysdag 05.07 tek vi imot serieleiar Anga på heimebane, denne kampen skulle egentlig blitt spelt i mai, men blei utsett. Håper at vi kan levere ein solid kamp, og at vi tek med oss nokon positive oppleveingar inn i sommarpausa. Eg er sikker på at sigeren kjem snart. Viss ikkje skal eg sykle Askvoll – Førde – Askvoll etter sesongen!

Tambarskjelvar - Atløy

Søndag 26.06 reiser vi til Naustdal for å spele mot Tambar. Kampen byrjar kl 1400, vi håpar på ein spennande kamp og at Atløy får sin første siger! Sist laga møttes endte det 2-2 på Atløy Stadion.

Atløy - Tempo

tirsdag 21.06.11 kl 1900

Atløy - Tempo 2-4 (1-2)

Det blei tap i kveldens kamp på heimebane mot Tempo frå Florø. Vi stilte med sesongens sterkaste lag til no, men det hjalp berre nesten. Eit fyldig kampreferat kjem enten i løpet av kvelden eller i morgondagen. Målscorara for heimelaget var Vegard og debutanten Erik Jakobsen.

Anga - Atløy

Anga – Atløy 2-1 (2-0)

Tysdag 14.06.11 kl 1900.

Mål:

1-0 Anga ca 5 min

2-0 Anga ca 10 min

2-1 Kristian 90 min

Gule kort:

Jon E

Atløy (4411)

Anders Peder, Hans Kristian, Vegard, Chester, Øyvind, Andreas, Jon E, Kristian, Sigmund, Frank, Eivind

Innbyttarar: Even, Krister, Alexander, Cato

Vi måtte gjere litt endring på laget i forhold til kva planen var pga at Even og Krister blei litt seine, og rakk ikkje kampstart. Begge to hadde lange reiser frå henholdsvis Bergen og Måløy. Kampen starta i regnveiret og det tok desverre ikkje lang tid før kampens første mål kom. Anga spelte seg fri på høgresida med ei flott gjennombruddspasning bak backen vår. Vingen deira kom seg ned til linja og slo presist inn foran mål til spissen som putta enkelt. 1-0 etter fem minutt.

Dei neste minutta fortsatte med Anga overtak, og 2-0 kom etter ein corner. Corneren blei slått på bakerste stolpe der ein Anga spelar fekk stå heilt åleine og heade inn ballen. Etter dette kom Krister inn på midtstopparplass og Chester blei flytta ut på back. Vi fekk med ein gong betre kontroll og er bra på høgde med Anga ut heile første omgang. Vi er frampå med eit par skudd, men skapar ikkje altfor mange sjansar.

I pausa får vi snakka litt saman og blir einige om å trøkke til frå start av i andre omgang. Dei første 10 minutta av andre omgang er vi best, vi brukar kantane våre aktivt som vi blei einige om og skapar enkelte farligheter. Men mål blir det desverre ikkje. Etterkvart som kreftene begynner å ta slutt so tek Anga meir øve kampen igjen og skapar nokon store sjansar som dei ikkje scora på. Må og nytte anledningen til å gje keeperen vår skryt, han hadde eit par veldig gode redninga.

Vi blir feilaktig avvinka for offside når Eivind blir spelt heilt åleine gjennom, og Cato har ein stor sjanse på ein retur frå eit skudd av Vegard. Vi kjempa bra alle mann, og etter 90 min får vi frispark på ca 25 meter. Vegard skyt ein hard markkrypar nede i stolperota, keeper må gje retur og 3 Atløy spelara er først på returen. Kristian putter ballen i mål, og det står 2-1. Dommaren la til ein heil del og det blei hektisk for Anga sin del mot slutten. Vi pressa på for ei utligning, men kampen endte med 2-1 siger til heimelaget.

Anga vant fortjent mtp antal sjansar, men eg føle at vi gjer ein kjempejobb heile laget. Vi springe masse, spela ball og ofra alt. Fortsette vi sann so skal vi komme oss vekk i frå jumboplassen i 6 divisjon avd 2.

Neste kamp er heime mot Tempo, tysdag 21.06.11 kl 1900. 

10 kjappe

Sidan Kristian var vår målscorar i dag, so passa det bra å publisere 10 kjappe med midtbanespelaren frå Herland.

Namn: Kristian Tviberg
Alder: 18
Yrke: Lærling /tømrar
Posisjon: Midtbane
Draktnummer: 20

1. Favoritt fotballag?
   – Manchester United
2. Favoritt fotballspelar?
   – Wesley Sneijder
3. Favoritt skodespelar?
   – Angelina Jolie / Johnny Depp
4. Favoritt film? 
   – Rocky, Die hard og mange fleire.
5. Favoritt bok?
   – har ikkje lest ei god bok endå.
6. Favoritt bil?
   – Audi R8
7. Favoritt artist/band?
   – Dire Straits, The boss og Lady Gaga.
8. Favoritt song no om dagen? 
   – Lady gaga – Edge of Glory
9. Favoritt spelar på Atløy?
   – Vegard Stølen. Fordi han er so klok. Lese spelet og er veldig god til å slå ballar og vinne haueduella. Komplett fotballspelar.
10. Personlige målsetjingar for resten av sesongen 2011?
    – prøve å halde meg skadefri og få betre kondis.

Anga - Atløy 2-1 (2-0)

Vi tapte 2-1 mot serieleiaren på bortebane i Førde i kveld. Men vi har ikkje noko grunn til å hengje med hovudet av den grunn. Alle spelarane gjorde ein fantastisk innsats og det var mykje positivt å sjå. Kristian scora vårt mål.

Eit meir fullstendig kampreferat kjem litt seinare.

Det blei spelt ein kamp til i vår avdeling i kveld, i Naustdal enda kampen mellom Tambar - Svelgen 2-2.

Anga - Atløy

Tysdag 14.06.11 reiser vi til Førde for å spele mot Anga. Kampen startar kl 1900 og blir spelt på Førde krøllgras.

Anga er det einaste laget som vi ikkje har spelt mot til no i år, dei har fått ein kjempestart på sesongen og er serieleiar ilag med Florø 3. Etter at vi tapte sist kamp mot Svelgen so ligge vi sist på tabellen, med andre ord so er dette ein kamp mellom topp og botn.

Unyttige fakta

Vi har spelt fire kampar so longt denne sesongen, og det er på høg tid at vi tar fram nokon fakta om sesongen so longt.

Vi har brukt 20 forskjellige spelarar til no i sesongen 2011. Gjennomsnittsalderen på dei 20 som har våre i aksjon er 19,75 år. Vi har scora 1,5 mål per kamp, og sluppe inn 4,75 mål per kamp. 1 av dei innslupne måla kom på straffespark, 0 av våre mål har komt frå ellevemeteren. 6/6, dvs alle måla våre har blitt scora med høgrefoten. Disiplinen har våre god, kun 3 gule kort har vi pådratt oss.

Spørsmåla som ein sit igjen med då er: Kortid får vi vår første clean sheet? Vil Atløy nokon gong score med hovudet eller venstrefoten? Kjem gjennomsnittalderen til å komme over 20 år? Vil dommaren dømme ei straffe til Atløy sesongen 2011?

Alle dissa svara pluss mykje meir får du ved å følgje med på bloggen til Atløy! :-)

10 kjappe

  Namn: Alexander L.Jenssen
  Alder: 20 år
  Yrke:  Fiskeoppdretter
  Posisjon: Ving
  Draktnummer: 11

1. Favoritt fotballag?
   - Arsenal & Molde
2. Favoritt fotballspelar?
   - Thierry Henry
3. Favoritt skodespelar?
   - Liam Nelson
4. Favoritt film?
   - Jurassic Park
5. Favoritt bok?
   - Leser ikkje bok!
6. Favoritt bil?
   - Opel Insigia
7. Favoritt artist/band?
   - Hellbillies / Kaizers Orchestra
8. Favoritt song no om dagen?
   - Diamant til kull
9. Favoritt spelar på Atløy?
   - Krister. Begrunnelse, jo han vil ha ballen når den nærma seg eller om den er på avstand. Sjølv om det blir nokre frispark av og til så er viljen og ånden tilstede.
10. Personlige målsetjingar for resten av sesongen 2011?
    - Personlig målsetjing må vere å få spele meir enn 20 min av ein kamp, betre kondis og kanskje eit mål eller målgivande.

10 kjappe

For å bli betre kjend med vår spelarstall har vi gjennomført ei lita spørsmålsrunde med ti kjappe spørsmål. Fyrste mann ut er keeperen.


Namn: Anders Peder Herland
Alder: 22
Yrke: Anleggmaskinførar
Posisjon: Keeper
Draktnummer: 1

1. Favoritt fotballag?

- Manchester United

2. Favoritt fotballspelar? 

- Ryan Giggs

3. Favoritt skodespelar?

- The Rock

4. Favoritt film?

- Taken

5. Favoritt bok?

- Rotta på Hospitalet

6. Favoritt bil?

- Subaru Impreza

7. Favoritt artist/band?

- The Killers

8. Favoritt song no om dagen?

- L-i-f-e-g-o-e-s-o-n

9. Favoritt spelar på Atløy?

- Gjøran Nikolay Gjervik (Vidic) Ein klippe i forsvaret

10. Personlige målsetjingar for resten av sesongen 2011?

- Redde markkryparane, og bli bedre i feltet.

Atløy - Svelgen

Tysdag 07.06.11
Atløy - Svelgen 3-4 (1-1)

Det gjekk desverre ikkje vegen for oss i kveldens heimekamp, tidvis bra spel og flotte scoringa til tross. Dette var ein kamp vi burde vunne, men ballen er fortsatt rund!

Referat og bilder kjem i løpet av morgondagen.

Florø 3 - Atløy

6 divisjon, tysdag 31.05.11 kl 19.00

FLORØ 3 – ATLØY 6-1 (4-0)

Mål:

1-0

2-0

3-0

4-0

5-0

5-1 Krister

6-1

Gule kort:

Øyvind

Atløy (451)

Anders Peder, Hans Kristian, Gjøran, Vegard, Bernt Magnus, Chester, Krister, Frank, Kristian, Jon Eivind, Eivind.

Innbyttara: Alexander, Andreas, Sigmund, Øyvind

A-laget reiste tysdag til Florø for å møte serieledar Florø 3. Vi visste på forhånd at det kom til å bli ein vanskelig kamp mot eit Florø lag som spelar veldig bra fotball. På forhånd var vi einige om at vi måtte ligge lavt og kompakt, hindre dei i å få eit tidlig mål og komme heilhjarta på overganga når/viss sjansen byr seg.

Vi starta med vårt antatt mest rutinerte lag i ein 451 formasjon. Dei første 25 minutta gjorde vi ein kjempe jobb i å hindre Florø å score mål. Men det er ikkje lett å forsvare seg mot eit Florø lag som er veldig bevegelige og ballsikre samtidig som dei ventar tolmodig på ein sjanse til å bryte igjennom. Til slutt kom dei seg igjennom og 1-0 var eit faktum. Dei neste ti minutta avgjorde kampen. 2-0, 3-0 kom raskt og då gjekk litt av lufta ut av ballongen. Vi kom oss litt til hektane igjen siste minutta før pause, skapte nokon halvsjansar men det var Florø som scora. Dermed var pauseresultatet 4-0 til heimelaget.

I andre omgang var det ein litt jamnare kamp. Florø hadde forstatt mest ball, men var ikkje like hissige på å angripe. Vi heng brukbart med i lange periodar men det er no so i fotball at det er måla som gjelder. Rundt midtveis i omgangen kom det nok eit Florø mål. So fant Krister ut at vi måtte få oss eit mål vi og. Florø spelte ball bak i forsvaret då Krister takla/krangla med seg ballen på midtbana og satte fart mot keeperen. I beste Thierry Henry stil satte han ballen iskalt i mål åleine med keeper, 5-1. Mot slutten av kampen score Florø eit mål til og sluttresultatet blei 6-1.

Florø vant fullt fortjent mot Atløy, og tok sin fjerde strake siger. Vi møtte eit veldig bra lag som kjem til å gjere det skarpt i heile år.

Chester fekk sin A-lag debut i dagens kamp som høgreback og gjorde ein strålande jobb. Elles blei kampen litt som forventa, vi blei springande mykje i mellom men fekk god trening i å forsvare oss.

Neste kamp for Atløy er heime mot Svelgen, tysdag 07.06 kl 1900. Håpar du tek turen til stadion og ser på!

Florø 3 - Atløy

Tirsdag 31.05 reiser Atløy til Florø for å spele mot Florø 3. Kampen går på kunstgrasbana, kampstart er kl 1900.

Florø 3 har fått ein flott start på årets 6 divisjon, dei står med tre sigera på sine tre første kampar og ligg på førsteplass i vår avdeling.

Andre kampar som spelast denne runda er: Tambar – Anga og Svelgen – Tempo.

Atløy - Tambarskjelvar

6 divisjon, søndag 22.05.11 kl 14.00

ATLØY – TAMBARSKJELVAR 2-2 (1-1)

Mål:

0-1 Henrik Hundershagen ca 23 min

1-1 Eivind (Vegard) ca 35 min

1-2 Henrik Aase ca 84 min

2-2 Eivind (Andreas) ca 89 min

Gule kort:

Frank, Cato

Atløy (442)

Anders Peder, Hans Kristian, Gjøran, Vegard, Bernt Magnus, Sigmund, Krister, Frank, Andreas, Eivind, Brian.

Innbyttara: Even, Cato, Øyvind, Alexander, Dan Erik

Då var det tid for sesongens første seriekamp for A-laget på heimebane. Atløy tok i mot Tambarskjelvar, grusbana var harva og tromla, det regna og blas, tilskodarane (ca 50 i talet) hadde tatt på seg termodressen, med andre ord: ingenting å klage på! Vi mangla fem mann frå start i dag, influensa, skade og eit tregt postvesen må ta på seg skulda for det. Det betyr at fleire av dei yngste spelarane våre får sjansen til å vise seg fram. Brian Landøy fekk sin A-lag debut, Bernt Magnus, Andreas og Sigmund som debuterte sist mot Tempo var også i startoppstillinga.

Kampen starta litt forsiktig, med eit spelemessig overtak til heimelaget. Vi prøver å vere tolmodige i pasningsspelt vårt og bruke kantane mykje, men det stoppa litt opp når vi nærma oss 16-meteren til Tambar. Ingen av laga klara å skape nokon store sjansar før Tambar ca midtvegs i første omgang scora kampens første mål, med si første avslutning på mål. Ein spelar blir spelt igjennom på venstrekanten bak forsvaret vårt, han kjem seg ned til linja og får slått eit innlegg inn som ein Tambarspelar er først på og setter ballen mellom beina på keeper. 0-1.

Etter målet får vi til litt bedre spel, vi får ein del dødballar utan at vi klara å score.

Men etter ca 35 minutt kjem Atløy si første scoring denne sesongen. Vi har ein dødball, ballen blir slått inn og klareringa frå Tambar går rett til veirs. Vegard tar ned ballen innanfor 16-meteren, snur seg og skyt med venstra, ballen blir blokkert og legg seg perfekt tilrette for Eivind på 6-7 meter. Eivind sette ballen i mål, 1-1. Etter scoringa er vi frampå eit par gonger uten at det blir veldig store sjansar av det, so stillinga er 1-1 til pause.

Vi hadde ei god følelse når vi gjekk til pause om at 3 poeng var realistisk, men i 2 omgang endra kampen seg litt. Tambar kjem meir med i kampen, vinn litt fleire duella på midtbana og er farlege når dei angriper. Anders Peder må i full strekk eit par gonger, og hindra mål. Vi er ikkje ufarlige sjølv heller. Cato har komt innpå som spiss og er ein trussel i bakrommet. Ved fleire anledningar er det nesten at gjennombruddspasningane våre når fram, men keeper er ofte ute og plukka pasningane. Til slutt kjem Cato seg fri åleine med keeper, men keeperen kjem raskt ut og greier å blokkere avslutninga som går ut til corner. Etter dette har både Even, Frank og Vegard gode skuddforsøk, men mål blir det ikkje.

Det ligg eit mål i lufta til eit av laga, men ein må vente heilt til sluttminutta før målet kjem. Tambar får frispark i farleg posisjon, nokon meter utenfor vår 16-meter. Tambarspelaren får kanontreff med strak vrist, keeper er på ballen som smell i tverra men uheldigvis ned i keeper igjen og inn i mål. 1-2 ca 84 min. Målet fører til at vi våknar litt igjen. Istadenfor å henge med hovudet går vi offansivt til verks, og etter 89 minutt rullar vi opp eit flott angrep. Vegard blir spelt opp midt i bana og avanserer mot forsvaret, Andreas helde bredda på venstrekanten og blir spelt igjennom bak forsvaret. Innlegget er presist langs bakken og Eivind breisida ballen i mål under keeperen, 2-2. Kampen ender uavgjort, eit resultat som begge lag må seie seg nøgd med.

Dette betyr at vi plukkar våre første poeng for sesongen, sterkt gjort å komme tilbake på slutten og få inn utligninga. Moralen i laget vårt er bra, da fekk vi nok eit bevis på i dag og eg er sikker på at den kjem til å skaffe oss flere poeng seinare i sesongen. Dei unge spelarane våre gjere ein solid innsats og slike jamne kampar er god erfaring for dei. Vi har eit ungt og uerfarent lag, det vil ta ein del kampar før spelet vårt sit skikkelig men pila peikar iallefall oppover.

Neste kamp for A-laget er i Florø, 31 mai mot Florø 3.

Link til vår avdeling